ამერიკაში ჩამოსვლისას ყველას სხვადასხვა მოლოდინი აქვს: ვიღაცას ინგლისურის დონის ამაღლება უნდა, ვიღაცას ფულის შოვნა, სხვებს მოგზაურობა, მაგრამ მე იმაზე მეტი მივიღე, ვიდრე ეს - ვიპოვე ის მხარდაჭერა, რომელიც აქ მაკლდა, ის გაგება, რომელსაც ასე ვეძებდი. გავიცანი მეგობრები სხვადასხვა ქვეყნიდან, რომლებთანაც კავშირს დღემდე არ ვწყვეტ, ვიყავი ადგილებში, სადაც ფილმებს იღებდნენ და რომლებიც ყველას არაერთხელ გვაქვს ნანახი ფოტოებში. ამ ზაფხულს ბევრი რამ მოხდა - საინტერესო ნაცნობობა, ცრემლებამდე სიცილი, სამსახური, მოგზაურობა, ალკოჰოლი, ცრემლები, Imagine Dragons-ისა და Evenence-ის კონცერტი და ყველაფერი ის, რისი სიტყვებით გადმოცემაც შეუძლებელია. და სწორედ ამ ზაფხულს ვიპოვე საკუთარი თავი, მივხვდი რა მინდა, რა მიყვარს და ვინ, შევიცვალე მსოფლმხედველობა..) ვისურვებდი, რომ თითოეულ ადამიანს ჰქონდეს ასეთი ზაფხული ცხოვრებაში, რადგან ეს რუტინიდან თავის დაღწევას და სამყაროსა და საკუთარი თავის უბრალოდ შეგრძნებას ჰგავს, ერთი სიტყვით - ცხოვრებას! ზაფხული აშშ-ში არ არის მხოლოდ ენის დახვეწა, მოგზაურობა და ფული - ეს არის თქვენი ცვლილებები, სამყაროს ახალი აღქმა და საკუთარი თავის გაგება, თუ რისი უნარი გაქვთ.. იმედი მაქვს, რომ ჩემი ეს პატარა მონოლოგი გამოეხმაურება იმ ადამიანის გულს, ვინც ყოყმანობს წავიდეს თუ არა და გადაწყვეტს, რომ ღირს ცდა, რადგან მხოლოდ გიჟი იტყვის უარს ასეთ შესაძლებლობაზე!