კალიფორნიის შტატი. მანქანის ფანჯრის მიღმა ბინდი ჩამოწვა, ღამე ახლოვდებოდა. ჩემს თანამგზავრებს ვკითხე, სად გავათევდით ღამეს.

პასუხი - Slab City.

„Slab City? ეს რა არის?“ - ვიკითხე მე.

„ჰა-ჰა, მოგეწონება. ეს აშშ-ის ერთადერთი ქალაქია, სადაც კანონები არ არსებობს და პოლიციას საჭიროდ არ მიაჩნია ამ ქალაქში სტუმრობა“.

„შესანიშნავია“, - ვფიქრობ მე და ყველა ლოცვას ვიხსენებ, რადგან სხვა გზა არ იყო. გადაწყდა, რომ მარშრუტიდან არ გადაგვეხვია, რადგან ისედაც ჩამორჩენილი ვიყავით გრაფიკს.

ქალაქთან მიახლოებისას მანქანამ რხევა დაიწყო, როგორც ატრაქციონზე. იმ გლუვი გზების კვალიც კი არ დარჩენილა, რომლითაც მთელი ამერიკაა დაფარული.

ქალაქის შესასვლელთან მისულებმა დავინახეთ, რომ გზა ჩამორეცხილი იყო. გადავწყვიტეთ, რომ ისეთ ადგილას გაჭედვა, სადაც არ ვიცით, რას უნდა ველოდოთ, ყველაზე ცუდი რამაა, რაც შეიძლება დაგვემართოს, ამიტომ ბიჭებმა მანქანა უკან დააბრუნეს, შიგნით ჩამკეტეს, თვითონ კი გარეთ, კარავში დარჩნენ ღამის გასათევად.