როდესაც New Harbor-ში ჩავედით, არც ისე კარგი სახლი შეგვხვდა. რბილად რომ ვთქვათ, ძალიან ცუდი იყო. ღამით იქ ძალიან ციოდა და ხანდახან ნესტის სუნი იდგა, დღისით კი სხვადასხვა სახის ხოჭოებსა და მფრინავ მწერებს ნახავდით. ჩასვლისთანავე ახალი სახლის ძებნა დავიწყეთ. რადგან ყველაფერი დაკავებული იყო, პირველი სახლი, რომელიც გათავისუფლდა, მხოლოდ ორი კვირის წინ გახდა ჩვენთვის ხელმისაწვდომი.

ჩვენი დამსაქმებლის წყალობით, ახალ სახლში გადასვლის შესაძლებლობა მოგვეცა, რომლის პირველ სართულზეც პარიკმახერიაა განთავსებული, სადაც სახლის მეპატრონე მუშაობს და, ჩემი აზრით, არც ისე ცუდ ფულს შოულობს. მოპირდაპირედ არის ცნობილი კაფე სახელად Cupboard Cafe, რომელიც სადილამდე მუშაობს. აქ შეგიძლიათ დააგემოვნოთ ძალიან გემრიელი ყავა უგემრიელეს სენდვიჩებთან ერთად.

ამ სახლში კიდევ რამდენიმე ადამიანი ცხოვრობს, რომელთაგან თითოეულს საკუთარი აპარტამენტი აქვს. ჩვენს განკარგულებაშია ორსართულიანი აპარტამენტი, ჭურჭლით, Wi-Fi-ით, საკაბელო ტელევიზიით და ყველა სხვა კეთილმოწყობით. ძალიან გვიხარია, რომ აქ გადმოვედით. ძალიან საყვარელი ადგილია.

და ეს ყველაფერი მხოლოდ 75 დოლარი ღირს კვირაში ერთ ადამიანზე.