ვაშინგტონი ამერიკის დედაქალაქია. ეს ალბათ ერთადერთი ქალაქია, სადაც სიამოვნებით ვიცხოვრებდი. მასში ყველაფერია: მაღალი შენობებიდან დაწყებული უამრავი პარკით დამთავრებული, სადაც სეირნობისას არ გრძნობ დიდ ქალაქთა სწრაფ რიტმს და შენობების ზეწოლას. აქ ძალიან ბევრი სიმწვანეა, რაც ბევრ ქალაქს აკლია. ეს ქალაქი აერთიანებს აბსოლუტურად ყველაფერს. ცენტრი ძალიან ლამაზია, უამრავი საინტერესო შადრევნით. ძალიან მომეწონა კაპიტოლიუმი. თეთრმა სახლმა ცოტა იმედები გამიცრუა, სხვანაირად წარმოვიდგენდი, მეგონა უფრო დიდი იყო და უფრო ახლოს ნახვის იმედი მქონდა, მაგრამ შიგნით მოსახვედრად 6 თვე უნდა ელოდო რიგში. იქნებ ოდესმე მოვხვდე. ვაშინგტონს აქვს უამრავი საინტერესო უფასო მუზეუმი და დიდი ზოოპარკი. ამ ზოოპარკში ყოფნის შემდეგ ვფიქრობ, სხვა ქალაქების ზოოპარკებში წასვლა აღარც ღირს, რადგან აქ არის ყველაფერი, დაწყებული ყველაზე პატარა მწერებითა და ცხოველებით, დამთავრებული ყველაზე დიდებით.
