ჩემი მოგზაურობა დაიწყო იმ მომენტიდან, როცა ჩავედი მერილენდის შტატში, სადაც ვმუშაობდი. ვცხოვრობდი პატარა ქალაქ ლორელში და ვმუშაობდი მაშველად აუზზე. ჩემთვის მაშველად მუშაობა არ იყო სამუშაო, არამედ კურორტი. სულ ვცურავდი და მზეზე ვირუჯებოდი. რადგან აუზზე მარტო ვიყავი მაშველი, მუდმივად მიწევდა ვიზიტორებთან ურთიერთობა, რამაც ძალიან გააუმჯობესა ჩემი ინგლისური; თავად ვიზიტორები ხშირად მისწორებდნენ და მასწავლიდნენ, როგორ გამოვთქვა ყველაფერი სწორად. ასევე ვისწავლე ცოტა ესპანური. ძალიან გამიმართლა ვიზიტორებთან, ისინი სულ მეხმარებოდნენ, ველოსიპედიც კი მიყიდეს, რომ ფეხით არ მევლო. უბრალოდ ვაღმერთებ მათ. წამოსვლის წინ ძალიან ვტიროდი, მათთან განშორება ძალიან რთული იყო.
ყველაზე რთული იყო მაშველთა კურსების გავლა. ჩვენ უნდა ამოგვეყვანა 120 კგ-იანი ადამიანი ფსკერიდან, გვეცურა მასთან ერთად და გაგვეწია პირველადი დახმარება. დღემდე არ მჯერა, რომ ეს გავაკეთე. ახლა მე სერტიფიცირებული მაშველი ვარ.
