"გამოცადე საკუთარი თავი!"

ამ ცხოვრებაში ბევრი რამ მარტივი იდეით იწყება. თავიდან ის უწყინარ ფიქრად გეჩვენება, მაგრამ გარკვეული დროის შემდეგ მთლიანად გიპყრობს. შემთხვევით დანახული "Camp USA"-ს პლაკატი, ხუმრობით ნათქვამი ფრაზა: "აბა, წავიდეთ ამერიკაში?" ასე გაჩნდა ჩემი იდეა.

და აი, ერთი წლის შემდეგ, მე აქ ვარ, მსოფლიოს დედაქალაქში ვზივარ და ჩემს ბლოგს ვწერ. დღეს მნიშვნელოვანი თარიღია, ზუსტად 4 თვეა, რაც ამ ქვეყნის თავისუფლების გემო ვიგრძენი. იმის თქმა, რომ ეს წარმოუდგენლად მაგარია, ნიშნავს იმ ემოციების მხოლოდ ნახევრის გამოხატვას, რაც ამ დროის განმავლობაში განვიცადე.

საკუთარი თავის შეცნობის სურვილი, იმის დამტკიცება, თუ რა შეგიძლია. და კიდევ ერთხელ თავისუფლება! ყველა სირთულე ფერმკრთალდება ამ არაპროგნოზირებად ქვეყანაში ცხოვრების ფასდაუდებელი გამოცდილების ჩრდილში.

და ეს მხოლოდ დასაწყისია, ცხოვრების გრძელი გზის პირველი ნაბიჯები.

ეს ბლოგი შედგება უშუალოდ აშშ-ში გაკეთებული ჩანაწერებისგან, ასევე მოგზაურობის შემდეგ გაფორმებული მოგონებებისგან.

დატოვეთ თქვენი კომენტარები, რა მოგეწონათ და რა არა. ავტორისთვის ეს საუკეთესო ჯილდოა=)