ავტოსადგურიდან ჩემს ჰოსტელამდე მისვლა ადვილი იყო, რადგან ისიც ცენტრში მდებარეობდა. თუ გსურთ სან დიეგოში წასვლა საბანაოდ, შეგიძლიათ იპოვოთ ჰოსტელები ქალაქის სხვა ნაწილებში. მაგრამ ჩემი მიზანი ქალაქის დათვალიერებაც იყო. საღამოს ჩასვლისას დავბინავდი და გადავწყვიტე გასეირნება, სულ რაღაც 2,5 საათში თითქმის მთლიანად შემოვიარე ქალაქის ცენტრალური ნაწილი სანაპიროსთან ერთად.

ჰოსტელში დაბრუნებისას გავიცანი ბევრი მცხოვრები, ასევე ჰოსტელის თანამშრომლები, ისინი ძალიან კეთილი და მხიარულები აღმოჩნდნენ. ისინი თითქმის ყოველ საღამოს დადიან ბარებსა და კლუბებში. მაგრამ რადგან 21 წლის არ ვიყავი, ჰოსტელში დარჩენა მომიწია, თუმცა იქაც ძალიან მხიარულად იყო საქმე ღამის 2 საათამდე... მათ საკუთარი მინი-ბარიც აქვთ. და მაინც, ეს ჰოსტელი ძალიან დამამახსოვრდა იმით, რომ თანამშრომლები წარმოუდგენლად სტუმართმოყვარეები არიან. სხვათა შორის, იქ შესაძლებელია საცხოვრებლის სანაცვლოდ მუშაობაც.

დავათვალიერე ბალბოას პარკი, იქვე ახლოს არის ზოოპარკი, მაგრამ რადგან ზოოპარკები არ მიყვარს, არ შევსულვარ, თუმცა ამას სულაც არ ვნანობ. სინამდვილეში, ქალაქი თავისთავად ძალიან საინტერესოა და კომფორტული ამინდი ხელს უწყობს ამ ქალაქთან შეგუებას და მყისიერად შეყვარებას.

ვიყავი კორონადოს კუნძულზე, იქაც ძალიან ლამაზია, განსაკუთრებით პლაჟი.

ასევე აუცილებლად უნდა ნახოთ San Diego old town, ეს ქალაქის ყველაზე ძველი ნაწილია და იქ ბევრი მექსიკური რესტორანი და სუვენირებია... იქ ტარდება მექსიკური ეროვნული დღესასწაულიც და ძალიან ბევრი ხალხი იკრიბება. ამ ადგილიდან, თუ მანქანა გყავთ, ძალიან ადვილია მოხვდეთ ულამაზეს ლა ჰოიას პლაჟზე. ძალიან ლამაზი და სუფთა ზღვაა, იქ სერფერები დაცურავენ და ზღვის ლომებიც კი))