8 საათზე ჩავედით ამ ქალაქში, ავტობუსის ნახევარი აქ ჩამოვიდა. მე ქალაქში არ შევსულვარ, მეზარებოდა, გავჩერდი გაჩერებაზე და ხალხს ვაკვირდებოდი. ვფიქრობდი, რატომ მგზავრობს ამდენი ადამიანი ავტობუსით, თუ სხვაობა მხოლოდ 150 დოლარია? ისინი 30 დოლარს ხარჯავენ მხოლოდ თან წამოღებულ საჭმელსა და სასმელში, მერე ყოველ გაჩერებაზე შედიან ადგილობრივ კაფეებში და იქაც ტოვებენ 8-10 დოლარს, ასე რომ, გზის ბოლოს 80-100 დოლარი გამოდის. რა აზრი აქვს 50 დოლარის დაზოგვისთვის 4 საათის ნაცვლად ერთნახევარი დღე მგზავრობას? მე არაფერი დამიხარჯავს, ვიყიდე 6 შოკოლადი და ერთნახევარი დღე გავწელე, სულ ესაა. თან ჩემი ტელეფონის გამო საჭმელითაც გამიმასპინძლდნენ.