ჩემს გამგზავრებამდე ერთ კვირაზე ნაკლები დარჩა, ნორმალური ფოტოები კი ჯერ კიდევ არ მაქვს. არადა, მსოფლიოს ერთ-ერთ ულამაზეს კუნძულზე ვცხოვრობ... ბიჭებთან ერთად გადავწყვიტე, ეს გამესწორებინა - დილით დენისმა და ანიამ მანქანა აიღეს და რვავე გავემართეთ კუნძულის შესამოვლად.

ყველაფერი იმით დაიწყო, რომ მივედით Koko Head Park-ში, რომელსაც იმ ვულკანის სახელი ჰქვია, რომელიც ჩვენს უკან მოჩანს.

Hanauma Bay-ში (კიდევ ერთი ვულკანის მიერ წარმოქმნილი ლაგუნა, სადაც ახლა სხვადასხვა ლამაზი თევზები და გიგანტური გალაპაგოსური კუები ბინადრობენ) შეუსვლელად, გზა გავაგრძელეთ. Koko ვულკანის ლავის ნაკადებმა ისეთი ნაოჭები წარმოქმნა, რომლებიც დღეს იმდენად თვალწარმტაცია, რომ იქ სერიალი Lost და ფილმი Pearl Harbor გადაიღეს. იქ ნახევარი საათი დავძვრებოდით, სანამ გიგანტურ "ბუნებრივ" ნავმისადგომამდე არ მივაღწიეთ, რომელიც ოკეანეში შედის.

შემდეგ გავიარეთ რამდენიმე ულამაზესი პლაჟი თეთრი ქვიშით, ცისფერი ოკეანით და ლურჯი ცათი - ყველაფერი როგორც კინოში)))) სიმართლე რომ ვთქვა, 2 თვეში ამ პეიზაჟს ეჩვევი =) მაგრამ ერთი საქმეა Waikiki-ს პლაჟები, სადაც იაპონელები სელაპებივით გვერდიგვერდ ირუჯებიან... და სულ სხვაა East Shore-ის (ოაჰუს აღმოსავლეთი ნაწილი) გრძელი, უკაცრიელი ქვიშიანი პლაჟები.