მე ძალიან მიყვარს საზღვაო ქალაქები.

ბალტიმორი ძალიან ლამაზი, დიდი ქალაქია. მისი ღირსშესანიშნაობა საზღვაო პორტია. პირველი, რასაც ალბათ შემოსულები ამჩნევენ სანაპიროსთან, არის დიდი, მძლავრი გემი. ასევე შეგიძლიათ გაისეირნოთ წყლის ტაქსებით. ის დადის სადგურიდან სადგურამდე, სადაც გინდათ, იქ ჩამოდიხართ, ათვალიერებთ მთელ ტერიტორიას, უკან ჯდებით და ჩამოდიხართ სხვა სადგურზე და ასე შეგიძლიათ მთელი დღე გაატაროთ. ასევე ბალტიმორში არის დიდი აკვარიუმი, იქ თავმოყრილია საზღვაო ცხოველების დიდი მრავალფეროვნება, იქვე აჩვენებენ ფილმს, გიკეთებენ სპეციალურ სათვალეებს, რომელთა წყალობით ყურების დროს სხვადასხვა სპეციალური ეფექტები იქმნება. თქვენ გრძნობთ, როგორ უბერავს ქარი, ვიღაც გეხებათ და ა.შ. ასევე იქ არის ძალიან ბევრი არქიტექტურული მუზეუმი, ძალიან უჩვეულო და ლამაზი ეკლესიები. ერთმა კეთილმა მამაკაცმა მოგვიყვა ამ ქალაქის მილიონერების ისტორია და გვაჩვენა მათი ქანდაკებები.