ყაზახეთი. 2029 წლის 16 იანვარი, ადგილობრივი დროით 20:26...
ვწერ, რათა საბოლოოდ არ დაიკარგოს ჩვენი ისტორიის მატიანე, რადგან კაცობრიობის უახლოესი წარსული ბუნდოვან სიზმარს ჰგავს... ვწერ, რათა თავად არ დამავიწყდეს, სხვებს შევახსენო და მომავალ თაობას გადავცე.
ახლა დაუჯერებელია, რომ ეს ყველაფერი ჩვენ გადაგვხდა. ყველაფერი შეიცვალა 2012 წლის ყველასთვის ცნობილი გახმაურებული თარიღის შემდეგ... და აბსურდულად და სასაცილოდ გამოიყურება ის, რომ ხალხი ვარაუდებს გამოთქვამდა, თუ რა საშინელი მოვლენები გველოდა იმ წლის შემდეგ - მეტეორიტის დარტყმა, პლანეტის ისტორიაში უდიდესი კატაკლიზმები და დედამიწის საერთოდ გაქრობაც კი. თითოეული თავისებურად განმარტავდა ლეგენდარული მაიას ტომების წინასწარმეტყველებებს, რომლებიც შედეგად ახდა. არსებობდა ვერსია, რომ ყოველ ეპოქაში დედამიწა თავად „შთანთქავს“ უდიდეს ცივილიზაციებს, რითაც ბოლო უღებს ერთ ეპოქას და დასაბამს აძლევს მეორეს. ჩვენს ისტორიაში ასეთი გახდა დასავლური ცივილიზაცია. გლობალური ეკონომიკური კრიზისი მხოლოდ დასაწყისი იყო ყველა დასავლური ქვეყნის კრახისა.
ახლა ვფიქრობ, რა გამიმართლა, რომ 2010 წლის შორეულ ზაფხულს მომიწია იმ დროის უდიდეს ქვეყანაში - აშშ-ში ყოფნა, რადგან დღეს იმ ადგილას ოკეანის გარდა არაფერი დარჩენილა.
ახლა ყველაფერი სხვაგვარადაა, სამყარო სრულიად შეიცვალა, დაკარგა მნიშვნელობა, ვინ იყო ადრე „მე-3 სამყაროს“ ქვეყანა, ვინ იყო წარმატებული, წაიშალა რასობრივი, რელიგიური და ენობრივი საზღვრები. საერთო უბედურების წინაშე კაცობრიობა გაერთიანდა. მათ, ვინც ოკეანის მეორე მხარეს იყვნენ, მიიღეს ოდესღაც უდიდესი ქვეყნებიდან გადარჩენილები. და მაშინ მნიშვნელობა არ ჰქონდა - ვინ იყავი, რისი გწამდა და რამდენს გამოიმუშავებდი. მხოლოდ საკუთარი არსებობის ზღვარზე მდგომმა კაცობრიობამ გააცნობიერა თითოეული ცალკეული სიცოცხლის ფასი.
International Exchange Center-მა არანაკლები როლი ითამაშა სრულიად ახალი სამყაროს მშენებლობაში. ახლა ცენტრი ეხმარება გადარჩენილებს გადასახლებაში, სამსახურის პოვნაში, ცხოვრებაში საკუთარი თავის პოვნაში. IEC.Exchange ნამდვილად გახდა ის ხიდი, რომელიც ეხმარება სხვადასხვა კულტურისა და ისტორიის მქონე ადამიანებს, ნამდვილად გაუცვალონ ერთმანეთს წინაპრების უდიდესი ცოდნა და ფასდაუდებელი გამოცდილება. აღარ არსებობს დასავლეთისა და აღმოსავლეთის ცნებები, IEC.Exchange-მა გააერთიანა ის, რაც, როგორც ჩანდა, არასდროს გადაიკვეთებოდა. და ვინ იფიქრებდა ამაზე 19 წლის წინ...
2029 წლის 17 იანვარი, ადგილობრივი დროით 00:14...
ვწერ, რათა მუდამ მახსოვდეს, რა დავკარგეთ და რა შევიძინეთ... ვწერ, რადგან მჯერა, რომ აშშ არ გამქრალა... არა. ამ დიდმა ქვეყანამ თავისი მატიანე დატოვა შთამომავლებში და დაეხმარა სამყაროს გაერთიანებას, სიცოცხლე მისცა ახალ ეპოქას...