ძალიან მინდოდა ამ ქალაქის მონახულება ცნობილი სერიალის ხსოვნის პატივსაცემად. ეს ქალაქი არ ჰგავს კალიფორნიის წყნარი ოკეანის სანაპიროზე გაფანტულ მრავალრიცხოვან პატარა ქალაქებს. სანტა ბარბარა მდიდარი ქალაქია. არა მხოლოდ იმიტომ, რომ იქ ყოველთვის მდიდარი ხალხი ცხოვრობდა, არამედ იქ მდებარეობს ცნობილი უნივერსიტეტიც, რომელიც ასევე დადებითად მოქმედებს ადგილობრივ ეკონომიკაზე. დიდი პლაჟი იახტებითა და გრილი წყლით, მრავალრიცხოვანი რესტორნები და ესპანურ-კათოლიკური სტილის ძველი შენობები წითელი სახურავებით ქალაქს სრულიად თვითკმარ, ღირსეულ და შეძლებულ იერს აძლევს. თქვენ მოხვალთ და წახვალთ, ხოლო ის, ქალაქი, დარჩება.
კომენტარები