საცხოვრებლის მხრივ გამიმართლა. სკოლა სახლიდან 20 წუთის სავალზე იყო, ამიტომ დილით ძილის უფლებას ვაძლევდი თავს) სკოლაში პირველ დღეს ძალიან საყვარელი და გულთბილი გოგონები შემხვდნენ, რომლებიც, როგორც მომეჩვენა, ყველა შესაძლო ენაზე საუბრობდნენ. მაშინვე მითხრეს, რომ 20-წუთიანი პატარა ტესტი გამევლო. ამ ტესტისა და მშობლიურ ენაზე მოსაუბრესთან გასაუბრების შედეგების მიხედვით, ყველა სტუდენტს ანაწილებენ სხვადასხვა ჯგუფში ინგლისური ენის ცოდნის დონის მიხედვით (დამწყებიდან advanced-მდე). ყველა მასწავლებელი, ვინც სკოლაში გავიცანი, ძალიან საინტერესო, მხიარული და ჭკვიანი ადამიანი იყო. ჩვენი მეთიუ ყოველთვის იგონებდა საინტერესო კონკურსებს, რომ არ მოგვწყენოდა. ყოველ სამუშაო დღეს გვქონდა 2 გაკვეთილი თითო საათნახევრიანი. კლასში 8 ადამიანი ვიყავით, მაგრამ მუდმივად მხოლოდ სამი დავდიოდით: ქარიზმატული იტალიელი ანდრეა, საყვარელი იაპონელი გოგონა მისო და მე)