ლონდონის მეტრო, London Underground (LU), ან როგორც ლონდონელები უწოდებენ „Underground“ („მიწისქვეშა“), ან „Tube“ („მილი“) მისი ღრმა გვირაბების ფორმის გამო, დაარსდა 1863 წელს. დღეს ლონდონის მეტრო მოიცავს 275 სადგურს, 11 ხაზს და 408 კმ-ზე მეტ გზას; ლონდონის მეტროში ყოველდღიური მგზავრთნაკადი 3 მილიონზე მეტ ადამიანს შეადგენს.
სამგზავრო ბარათის ყიდვა სავალდებულოა!!!
სამუშაო საათები და ზონები ლონდონი დაყოფილია 6 ზონად, Zone 1 და Zone 2 მოიცავს ცენტრალურ ლონდონს, Zone 6 – ქალაქის გარეუბნებს. ლონდონის მეტრო მუშაობს დილის 5:00 საათიდან შუაღამის 00:00 საათამდე, ორშაბათიდან კვირის ჩათვლით.
საშუალო სტატისტიკური ტურისტისთვის საკმარისია 2 ზონიანი სამგზავრო ბარათი.
მგზავრობის ღირებულება მეტროთი მგზავრობის ღირებულება დამოკიდებულია ზონაზე და უფრო იაფია Oyster ბარათით ან Travelcard-ით. მაგალითად, ქაღალდის ბილეთის ღირებულება ერთი მგზავრობისთვის (cash single fare) Zone 1-2-ში არის £4, Oyster-ით – £1.80. თუ აღმოჩნდებით Zone 3-ში, ხოლო ბილეთი ნაყიდია მხოლოდ Zone 1-2-ისთვის, ყოველთვის შეგიძლიათ სხვაობის დამატება. ასევე არსებობს ფასდაკლებები მგზავრთა სხვადასხვა კატეგორიისთვის – სტუდენტებისთვის, ბავშვებისთვის, შეზღუდული შესაძლებლობის მქონე პირებისთვის და ხანდაზმულებისთვის. ინფორმაცია მეტროთი მგზავრობის ღირებულების შესახებ შეგიძლიათ იხილოთ Transport for London-ის ვებსაიტზე. სხვათა შორის, ჩვენი სკოლისთვისაც აძლევენ 30%-იან ფასდაკლებას, მაგრამ მე ეს მხოლოდ ბოლო დღეს წავიკითხე)
ქაღალდის ბილეთების, Travelcard-ისა და Oyster-ის შეძენა შესაძლებელია ნებისმიერი მეტროსადგურის სალაროში ან ავტომატში. გადახდა შესაძლებელია როგორც ნაღდი ანგარიშსწორებით, ასევე საბანკო ბარათით. მაგრამ, თუ უცხოური ბარათით იხდით (ეს ეხება არა მხოლოდ მეტროს), ძალიან დიდ პროცენტს აჭრიან.
მეტრო ლონდონში გადაადგილების ყველაზე სწრაფი საშუალებაა, მაგრამ ამის მიუხედავად, მეტროში ხშირად ხდება შეფერხებები, ხაზებს არემონტებენ და დროებით კეტავენ. ამის თავიდან ასაცილებლად, ყოველთვის სასარგებლოა მარშრუტის დაგეგმვა, განსაკუთრებით შაბათ-კვირას.
ავტობუსით გადაადგილება ცოტა უფრო რთულია. მათ ძალიან არეული განრიგი და მარშრუტები აქვთ, რამდენჯერმე გადაჯდომა გიწევს. მაგრამ, თუ დრო გაქვთ, შეგიძლიათ ლონდონში ისეირნოთ, ეს ღირს)
