25 მაისს ლონდონში დაბრუნებისას, მე მოვხვდი ეროვნულ დღესასწაულზე - Bank Holiday. მიუხედავად ამისა, ბევრი მუზეუმი მუშაობდა, ჩვენ მოვინახულეთ რამდენიმე მათგანი, გავიარეთ ჰაიდ პარკში, შევისწავლეთ ქალაქის ცენტრის ჯერ კიდევ გაუვლელი ბილიკები. სამშაბათიდან კვლავ დაიწყო მეცადინეობები, რომლებზეც მე ისევ დიდი სიამოვნებით დავდიოდი. ზოგჯერ სარას ცვლიდა დევიდი, მასთან მეცადინეობები არანაკლებ საინტერესოდ მიმდინარეობდა - დევიდს აქვს იუმორის შესანიშნავი გრძნობა და სწავლების არასტანდარტული სტილი.

ლონდონში ყოფნის დღეები სწრაფად უახლოვდებოდა დასასრულს, მე კი ვერ მოვასწარი ქალაქის ყველა იმ ადგილის მონახულება, რაც მაინტერესებდა. პარასკევს, ჩემი სწავლის ბოლო დღეს, სკოლაში ჩატარდა ტესტირება, რომლის შედეგებმაც მეც და სარაც ძალიან გაგვახარა, მან აღნიშნა, რომ უფრო დიდხანს რომ დავრჩენილიყავი, აუცილებლად გადამიყვანდნენ შემდეგი დონის ჯგუფში. ყოველ პარასკევს მასწავლებელი პირადად ესაუბრებოდა თითოეულ მოსწავლეს, აანალიზებდა სწავლის პროცესს და ეხმარებოდა იმის გარკვევაში, თუ რომელ მხარეებზეა საჭირო აქცენტის გაკეთება. მე ასევე გადმომცეს სერტიფიკატი იმის შესახებ, რომ გავიარე კურსები, ამ დოკუმენტით ახლა ძალიან ვამაყობ! :)

წარმოუდგენლად სევდიანი იყო ინგლისის დატოვება, მაინც ეს თითქოს სულ სხვა სამყაროა, უჩვეულო და მიმზიდველი, მიხარია, რომ ერთხელ გადავწყვიტე წასვლა, არც ერთი წამით არ მინანია ეს. და დასასრულს მინდა ვთქვა - ის, რომ ჩემს მომდევნო შვებულებას (ის სიტყვასიტყვით ათ დღეში დაიწყება) სწორედ ლონდონში გავატარებ - ბევრ რამეზე მეტყველებს! :)