კიდევ რამდენიმე მომენტი, რაც მინდოდა წინასწარ მცოდნოდა:

1. მე მიყვარს ჩიკაგო. მე მიყვარს ჩიკაგო სიცოცხლეზე მეტად, ორჰან ფამუქზე და დარიჩინზე მეტად, მიყვარს ხალხი, ღმერთო, თუ მკითხავთ, რა გაჩუქოთ შობაზე, ვიტყვი – ჩიკაგო. ჩიკაგოში ჩემს პირველ დღეს ვჭამე მანგო, ისე, რომ არც ვიცოდი, რამდენად ძლიერი ალერგია მქონდა მასზე. შედეგად, მთელი დღე ჰოსტელში ვიწექი, მუხლებზე ხელშემოხვეული და ნელ-ნელა ვქრებოდი. დასკვნა – ექსპერიმენტები ჩაატარე, მაგრამ თან იქონიე კატალიზატორი (მარტივად რომ ვთქვათ – მოიმარაგე წამლები).

2. დიდი ქალაქების აეროპორტში მიდი ორი საათით ადრე (არა ერთი საათით, როგორც ბევრი გირჩევს). ლამის მაიამიში დავრჩი მხოლოდ იმიტომ, რომ Security line-ში ორნახევარი საათი ვიდექი.

3. Dunkin Donuts – გასინჯე! ძალიან გემრიელია!

4. იყიდე ამერიკული SIM-ბარათი. ისინი სულაც არ არის ძვირი, სამაგიეროდ თავს უსაფრთხოდ იგრძნობ, რადგან გეცოდინება, რომ ნებისმიერ წუთს შეგიძლია დარეკო.

5. ალბათ, თუ მიდიხარ, მთელი ზაფხულით უნდა წახვიდე. თუ გეგმავ, რომ თავი ბოლომდე აივსო გამოცდილებით, ერთი თვე (და ორიც კი) არ გეყოფა.