ჩემი ხანგრძლივი მოგზაურობის შემდეგ სან-ფრანცისკოში ჩავედი. სამუშაო ადგილზე უნდა წავიდე, სადაც მხოლოდ Greyhound-ის ავტობუსები დადის. რა ვქნა? ბილეთებს ვყიდულობ, ავტობუსში ვჯდები, მაგრამ ჩემოდანზე ბირკის მიკვრას ვერ ვასწრებ. მძღოლს ვეკითხები. ის ამბობს, რომ ეს პრობლემა არ არის. მივდივართ კალიფორნიის დედაქალაქ საკრამენტოში. დიდი გაჩერება და მძღოლების ცვლა. ცხელა, სოდას ვსვამ და ვამჩნევ, რომ ახალი მძღოლი ჩემს ჩემოდანს ბარგის განყოფილებიდან იღებს. მივრბივარ და ვეკითხები: „რა პრობლემაა?“, ის მპასუხობს: „წადი სადგურში და ჩემოდნისთვის ტალონი აიღე, მე დაგელოდები“. რიგში ვდგები და ტალონს ვიღებ, სიხარულით ველოდები მგზავრობის გაგრძელებას, მაგრამ გარეთ გამოსვლისას ვხედავ ჩემს ჩემოდანს, რომელიც მარტოდმარტო აგდია პერონზე, და ავტობუსის შავ კვამლს.

დიახ, დიახ. ის უბრალოდ წავიდა. სადგურში მითხრეს, რომ მძღოლი „just crazy man“-ია, მაგრამ ეს არ მიშველა.

შემდეგ ავტობუსს 4 საათი ველოდე.