რაც შეეხება აშშ-ში საცხოვრებელს, აქ ფასები ევროპულისგან დიდად არ განსხვავდება. ქალაქის ცენტრში (ტურისტულ ზონებში) ფასები ძალიან მაღალია, მაგრამ თუ გარეუბანში ან ქალაქის განაპირას იქირავებთ, ფასი ოპტიმალურია. რაც შეეხება გრძელვადიან საცხოვრებელს, განსაკუთრებით Work and Travel USA პროგრამის სტუდენტებისთვის, დამსაქმებელი ხშირად თავად უზრუნველყოფს მას. აქ ყველაფერი ინდივიდუალურია და დამოკიდებულია როგორც შტატზე, ისე თავად დამსაქმებელზე.

განთავსება შეიძლება იყოს როგორც ერთადგილიანი, ისე მრავალადგილიანი ოთახი. ეს შეიძლება იყოს ბინა ან უბრალოდ ოთახი.

მაგალითად, ჩვენი საცხოვრებელი კვირაში 50$ ღირს ერთ ადამიანზე – ოროთახიანი ნომერი, საკუთარი აბაზანითა და სამზარეულოთი. ხოლო, მაგალითად, ჩემი მეგობარი იხდის 100$-ს კვირაში ერთ ადამიანზე და ოთახში ორ გოგოსთან ერთად ცხოვრობს. ასე რომ, ყველაფერი ინდივიდუალურია. სამსახურის არჩევისას ამასაც უნდა მიაქციოთ ყურადღება, რადგან ამ ადგილას მოგიწევთ კიდევ 2 თვის (ან მეტის) გატარება.