ყველაზე პოპულარული სოციალური ქსელი არის SNAPCHAT! არა ინსტაგრამი, არა ფეისბუქი, არამედ სწორედ სნეპჩატი. და როცა ეკითხები, რას იღებთ იქ ყოველ ჯერზე, გპასუხობენ: «Everything!!». ჩვენთან როდის გადავიდა სნეპჩატის მოდა? 2015 წელს?

ამერიკელი სტუდენტებისთვის ნორმალურია აკადემიური შვებულების აღება. ამით აღფრთოვანებულებიც კი არიან, ამბობენ: „ყოჩაღ, ფულის გამომუშავება გინდა/მოგზაურობაში წახვალ“. ჩვენთან კი გაუგებარი სახით შემოგხედავენ და გკითხავენ, ხომ არ გაქვს პრობლემები.

წიწიბურა არ არის. არსად. ის „წონის დასაკლები“ პროდუქტი, რომლითაც შესაძლებელი იყო ყოველი მესამე ამერიკელის სიმსუქნისგან დახსნა, არ არის. დროა ბიზნესი წამოვიწყოთ და ბელარუსიდან ჩამოვიტანოთ!

თითქმის ყველა 16 წლიდან მუშაობს. მშობლების კისერზე ჯდომა მიღებული არ არის.

ბოდიშის მოხდა. ან იმდენად კულტურულები არიან, ან მართლა რცხვენიათ, ან უბრალოდ ჩვევაა – ამერიკელები მუდმივად იხდიან ბოდიშს. საქმე იქამდე მიდის, რომ უბრალოდ მიდიხარ დერეფანში, რომელიც თავისუფლად იტევს 2 ადამიანს, მაგრამ ისინი ისე იქცევიან, თითქოს ეშინიათ, რომ ვერ აგივლიან გვერდს და ბოდიშის მოხდას იწყებენ. ზოგჯერ ეს ძალიან საყვარელია, ზოგჯერ კი ფიქრობ, იქნებ რამე დააშავე.

ისევე როგორც დიდ ბრიტანეთში, აქაც სხვა საზომი ერთეულებია: არა კილოგრამები, არამედ ფუნტები; არა კილომეტრები, არამედ მილები. და როცა, ვთქვათ, მანქანით მიდიხარ, სპიდომეტრი 40-ს აჩვენებს, შენ კი გეპარდის სიჩქარით მიქრიხარ, მაშინვე გახსენდება, რომ აშშ-ში ხარ!