მეორე დღე მართლაც ცუდად დაიწყო. ჩვენი რეისი გააუქმეს! ყველაზე საინტერესო ისაა, რომ გაუქმდა ქარიშხლის გამო... ყველაფერი დამაჯერებელი იქნებოდა, რომ არა ის ფაქტი, რომ ფრენამდე ორი დღით ადრე ელექტრონულ ფოსტაზე წერილი გამოგვიგზავნეს (ნუ, ჩვენ ფოსტას ასე ხშირად არ ვკითხულობთ, რა ვქნათ). სინოპტიკოსები როდის გახდნენ ასეთი ზუსტები, რომ 3 დღით ადრე იწინასწარმეტყველეს ქარიშხალი და გააუქმეს ჩვენი რეისი?

მაგრამ ეს ყველაფერი არ არის. ყველაზე ცუდი ის იყო, რომ მომდევნო დღისთვის უკვე ნაყიდი გვქონდა ატრაქციონების პარკის ბილეთები საკმაოდ დიდ თანხად და მომდევნო დღის ფრენა ჩვენს გადარჩენას ვერ შეძლებდა

ავიაკომპანიის თანამშრომლებთან საშინლად ჩხუბის შემდეგ (დიახ, ახლა უკვე ინგლისურადაც შემიძლია საშინლად ჩხუბი), მათ გვიპოვეს პირდაპირი რეისი. პრობლემა ის იყო, რომ ის ფილადელფიიდან იყო და რეგისტრაცია ერთ საათში მთავრდებოდა, მაშინ როცა ფილადელფიამდე გზა 1,5 საათია...

აქ ჩვენ მთელი ჩვენი იღბალი გამოვცადეთ და გადავწყვიტეთ რისკზე წავსულიყავით. რეგისტრაციის დახურვამდე 3 წუთით ადრე მივედით (უღრმესი მადლობა მძღოლს, რომელმაც შეძლო დაერღვია ყველაფერი, რაც შესაძლებელი იყო, რომ მოგვესწრო). ასე ჩავფრინდით ლოს-ანჯელესში. საშინლად დაღლილები, საშინლად მშივრები და ასე საშინლად ბედნიერები!

და წავედით სასეირნოდ!