მოკლედ, გამოცდებს შორის ორდღიანი შესვენებით ვისარგებლებ და ბოლო სიახლეებს გაგიზიარებთ!)

პირველ რიგში, გვქონდა საორგანიზაციო შეხვედრა. ბევრი სტუდენტი იყო და 2,5 საათის განმავლობაში „დაღეჭვით“ აგვიხსნეს მთელი ინფორმაცია!))) ასე რომ, როგორც იტყვიან, გამეორება ცოდნის დედაა!)))))

მეორეც, დღეს სააგენტოდან წამოვიღე დარჩენილი ყველა დოკუმენტი (DS-2019, ასევე მწვანე მაისური და წიგნაკი)!! ავტობუსში ბედნიერი ღიმილით მოვდიოდი!))) გარშემო მყოფი ხალხიც კი რაღაცნაირად კეთილი გახდა)

რაც შეეხება საგამოცდო სესიას. დარჩენილი მაქვს 2 გამოცდა და მერე უკვე შემიძლია მზადება დავიწყო!

გუშინ მეგობარს ველაპარაკებოდი:

-ჩემოდნები უკვე ჩაალაგე?

-არა. ჯერ გამოცდებს მოვაგვარებ და მერე დავიწყებ ჩალაგებას.

-შენ მართლა მაგარი ხარ! მე ჯერ ჩემოდნებს ჩავალაგებდი, გამოცდები კი მეორე პლანზე იქნებოდა. მაგრამ შენ თანმიმდევრული ხარ. ყველაფერს რიგრიგობით აკეთებ.

დიახ, სრულიად ვეთანხმები მას. მთელი გზა ხელშეკრულების გაფორმებიდან, სამსახურის პოვნით, J-1 Visa-ს მიღებით დამთავრებული ბილეთებითა და გამოცდებით - თანმიმდევრულია, პუნქტ-პუნქტ.

ჩემთვის ასე უფრო ადვილია.))))

საგამოცდო გეგმაც კი 2 კვირაზე მაქვს გაწერილი, დღეების მიხედვით.)

და ეს არ ნიშნავს, რომ ჩემი ცხოვრება სპონტანური არ არის, არა. უბრალოდ ზოგჯერ საჭიროა მაგიდასთან დაჯდომა, A4 ფურცლის აღება და პუნქტებად ჩამოწერა იმისა, თუ რა არის გასაკეთებელი.