სამშაბათს სკოლაში ჩემი პირველი დღე იყო. მე დაწყებით სკოლაში მასწავლებლის ასისტენტი ვიყავი. ყოველ დილით რამდენიმე მოხალისესთან ერთად ტაქსით მივდიოდით სკოლაში. გზას მანქანით 15-20 წუთი სჭირდებოდა. 5-6 წლის ბავშვებთან მუშაობა ძალიან დამღლელია, მაგრამ ისინი პირველივე ნახვით გიყვარდებათ. ეს ბავშვები ძალიან საყვარლები და მხიარულები არიან, შესანიშნავად საუბრობენ ინგლისურად და ძალიან ნიჭიერებიც არიან. მე ბავშვებთან ერთად ვთამაშობდი, ვეხმარებოდი დავალებებში, ვუყურებდი მათ და ასევე ვასრულებდი მასწავლებლის მიერ მოცემულ სხვადასხვა დავალებებს.

სკოლა იწყებოდა 8:00 საათზე, გაკვეთილები მთავრდებოდა 13:00 საათზე. 10:00 საათზე იყო შესვენება როგორც ბავშვებისთვის, ისე ჩვენთვის, მოხალისეებისთვის. ჩვენი სკოლა ქალაქის ცენტრში მდებარეობს და იქვე ახლოს არის ძალიან მყუდრო კაფე, სადაც ყოველდღე დავდიოდით საუზმეზე. მიმტანები უკვე ყველას გვიცნობდნენ, ახსოვდათ, ვინ რას უკვეთდა, ამ დროის განმავლობაში ყველანი დავმეგობრდით :) მე ყოველთვის ვიღებდი ლატეს და banana bread-ს (წარმოუდგენლად გემრიელია!)

სკოლა თავად დიდია, შემოღობილია მაღალი ღობით, უსაფრთხოება უმაღლეს დონეზეა, მათ აქვთ საკუთარი სათამაშო მოედანი, სპორტული დარბაზი და საცურაო აუზი. შაბათ-კვირას საბოლოოდ შევძელით კარგად გამოძინება.