აი, ახლა დაიწყო პრობლემები ამ ავტობუსებთან დაკავშირებით. რიჩმონდში ვზივარ, აცხადებენ ჩვენს ავტობუსს, მივდივარ კარებთან, როგორც კი უნდა ავიდეთ, გვეუბნებიან, აიღეთ ნივთები ავტობუსიდან, რადგან სხვა ავტობუსში უნდა გადაჯდეთო. ავიღე ჩემი ნივთები და ისევ სადგურში დავბრუნდი, გამოაცხადეს, რომ რეისი მხოლოდ 2 საათში იქნება, რა გაეწყობა, ველოდებით 2 საათი. ამერიკელებთან საუბარი გავაბით, ბევრი ამბობდა, რომ 4 დღე მოდიოდნენ ავტობუსით ლას-ვეგასიდან. გავიდა 2 საათი, გვითხრეს, კიდევ ნახევარი საათი დაელოდეთო და აი, ბოლოს და ბოლოს დაიწყო ჩასხდომა, გვითხრეს, რომ ვაშინგტონში მივდივართ, ყველას გაუკვირდა, რადგან წესით ბალტიმორში უნდა წავსულიყავით და მერე ნიუ-იორკში, ნუ რა გაეწყობა, წავედით, მთელი გზა ბავშვი ტიროდა, ბევრი უკვე ზღვარზე იყო, 4 საათი გაუჩერებელი ბავშვის კივილი.