ჩიკაგო ყველაზე ცნობილი ქალაქია, რომელიც თავისი კრიმინალური მოვლენებით არის ცნობილი. იქ 4 დღის განმავლობაში ცხოვრებისას, ეს საერთოდ არ შემიმჩნევია. ჩემთვის ეს ქალაქი ძალიან მშვიდია, უბრალოდ ძალიან ცივა და აქ ყველაზე მაღალი გადასახადებია. ძალიან მომეწონა Millennium Park-ი. აქ ძალიან ხშირად იმართება სხვადასხვა კონცერტები. ერთ საღამოს ჩვენ მოვხვდით საცეკვაო საღამოზე, იქ ცეკვებს აწყობდნენ და პარკში მყოფ ნებისმიერ მსურველს შეეძლო მოსულიყო და შეერთებოდა. იქ იყვნენ ადამიანები, რომლებიც ასწავლიდნენ მათ, ვინც ცეკვა არ იცოდა. ცეკვავდა ყველა, სხვადასხვა ასაკის ადამიანი. უფროსი ასაკის ადამიანები ყველაზე აქტიურად ცეკვავდნენ, მე ამით ძალიან გაკვირვებული ვიყავი, ჩვენთან, რუსეთში, ძნელად თუ აიძულებდი ასაკოვან ადამიანებს ყველას თვალწინ ეცეკვათ. ეს ქალაქი სავსეა ძალიან საინტერესო, უჩვეულო ფიგურებით. პარკის მახლობლად არის სასაცილო შადრევნები, რომელთა პირიდანაც წყალი მოედინება და გამოსახულებები მუდმივად იცვლება. ასევე პარკის მახლობლად მდებარეობს მიჩიგანის ტბა. ეს ტბა უბრალოდ სავსეა იახტებით. ამ ტბიდან ქალაქის ძალიან ლამაზი ხედი იშლება. Chicago-ში არის კოშკი, საიდანაც მთელი ქალაქის დანახვა შეიძლება. იქ ბევრი თეატრია და მდებარეობს ძალიან დიდი აკვარიუმი.