ბოულდერი, კოლორადო

დენვერის მახლობლად, კოლორადოს შტატში მდებარეობს ქალაქი ბოულდერი. მითხრეს, რომ იქ საცხოვრებლის ქონა საკმაოდ ძვირი და პრესტიჟულია. ახლოს არის სათხილამურო კურორტები, უნივერსიტეტები, ბევრი მაღაზია და რესტორანი, ნუ, როგორც ეს ჩვეულებრივ ამერიკაშია - ყველაფერი, რაც ცხოვრებისთვისაა საჭირო. რადგან ყველა პატარა ქალაქი ერთმანეთს ჰგავს, იქ, რა თქმა უნდა, არის ადგილობრივი „არბატი“, სადაც ყველა უსაქმურად დადის, მღერის ან ქუჩის მუსიკოსებს უსმენს, ყიდულობს საკუთარი თავისთვის და ბავშვებისთვის ბუშტებს, კოლას და ნაყინს. პატარა, საინტერესო ქუჩაა. ბევრი სიმწვანე, საკმაოდ ფერადი, კაშკაშა დროშები, აბრები, გამოპრანჭული ხალხი.

მე ძალიან მიყვარს ასეთი ბაზრობა-ქუჩები. ცეკვავ ფეხშიშველი გიტარისტების მუსიკაზე, ერთ კუთხეში ქუდებს ისინჯავ, მეორეში - ფერად მძივებს, ახლოდან უღებ ფოტოებს ქუჩის არტისტების, ბავშვების ან მოცინარი ხალხის სახეებს, მერე კი ჯდები სადმე, ჩანთიდან იღებ წყალს და ატამს, უყურებ ლურჯ ცას და ფიქრობ, რომ ცხოვრება მშვენიერია!