31 тамыздағы хат
Жіберуші: Анастасия Лебедева, Хьюстон әуежайы, Техас
Алушы: Юля Кеда, Қазақстан
Сәлем, Юль! Оқиғалар жалғасуда. Мен бұл жолдарды жазып отырмын және бізбен болған жайтқа сене алар емеспін.
9:40. E терминалында отырмыз. Жаңа ғана бастан кешкенімізді сипаттау қиын. Иә, біз ұшақтан қалып қойдық! Зомби мен Женька байқағандай, оқиғалар дәл кинодағыдай!
Оятқыш 5:30-да шырылдады. Мен Аняның дауысын естідім: «Тез тұр! Егер бірінші автобустан қалып қойсақ, ұшақтан кешігеміз!».
Флагстаффқа, Аризонаға ұшатын рейсіміз 9:20-да. Таңғы ас туралы сөз де болуы мүмкін емес. Аялдамаға келіп, автобустың жаңа ғана кетіп қалғанын және келесісі тек жарты сағаттан кейін болатынын біліп, өкіндік. Ну, уақыт бар шығар деп ойладым. Біз екінші автобусқа үлгеру үшін әдейі ерте тұрған едік. Қалтамызды ақтарып, ұсақ ақша таппадық. Ал біз ауысып баруымыз керек, Аризонада да автобуспен жүруіміз керек болады. Мен хостелге қайта жүгірдім, онда, әрине, есік құлыптаулы. Жиырмалықты ұсақтап, жүгіріп аялдамаға қайттым. Тынысым тарылуда, спортпен айналыспаудың салдары осы.
Аняның ашуы келіп тұр. Көңіл-күй жоқ. Ұрысып қалдық. Ақыры автобус келді. Үлкен чемоданды жүктеп, Даунтаунға келдік, онда 30 минут, мүмкін одан да көп күттік. 102-автобус келді, ол бізді әуежайға апаруы керек еді. Біз қасқырдай ашпыз, әуежайға дейін бір сағаттық жол. «Әуежайда тамақтанамыз – онда Макдак болуы керек!» - дейді Аня.
Әуежайдың C терминалына келдік. Қайда баруымыз керек? Аня интернеттен қарады, біздің авиакомпаниямыз A терминалында орналасқан екен. Төмен түсіп, пойызға отырып, A терминалына жеттік. Чемоданның керегінен ауыр екенін еске алдық. Заттарды рюкзакқа көшіруге тура келді. Содан кейін онлайн тіркеуден өттік, билеттерді алдық, чемодан үшін 25 доллар төледік. Аштық өз сезімін білдіруде. Сағатқа қарадық. Қандай Макдональдс?! Бізде УАҚЫТ жоқ. Ұшаққа отырғызу БҰРЫННАН басталған! Билетке қарап, сұмдықпен түсіндік, біздің ұшуымыз E терминалынан болады екен, ол жерге тағы да пойызбен бару керек! Төмен түстік. Пойыз жоқ. Күтеміз. Әр үш минут сайын жүруі керек еді. Қайда? Уақыт жоқ. Абыржудамыз. Ұшаққа отырғызу басталып кетті!!! Біз әлі қауіпсіздік бақылауынан өтуіміз керек!
Пойыз! Ақыры! Біздің E терминалымыз D терминалының жанында орналасқан. Сондықтан пойызбен түскенде, терминалымызды табуымыз керек еді. Эскалатормен жоғары көтеріліп, қауіпсіздік бақылауы алдындағы үлкен кезекке көзіміз түсті. Ұшуға 20 минут қалды. Ұшаққа отырғызу аяқталды. Біз кезектегі әр адамның алдына барып, бізді өткізіп жіберулерін сұраймыз. Адамдар өткізіп жіберді, сәттілік тіледі. Тез кроссовкаларды шешіп, заттарды арнайы ыдыстарға салып, арнайы жақтаудан өтіп, жүгірдік! Екінші чемоданмен жүгіріп келеміз, қолымызда 2 орам фототұсқағаз, мойнымызда фотоаппарат, кроссовканы тәпішке сияқты киіп алғанмын, Аня жалаңаяқ! Әдейі жасағандай, біздің E1 қақпамыз ең соңында. Жүгіріп келдік, бізге ұшақтың жаңа ғана ұшып кеткенін айтты...
Сағат 9:17. Не істерімді білмеймін. Бұл билеттерді алу біз үшін соншалықты қиын болды. Чемоданымыз қайда? Финикс арқылы Флагстаффқа ұшып бара жатыр, ал біз Хьюстон әуежайындамыз. Көзімде жас. Абыржудамын. Бәрі бірінші автобустан қалып қойғанымыз үшін! Аня да сәтсіздіктерден шаршаған, ештеңе қаламайды.
Буш әуежайының қызметкерінен бізге көмектесуін сұраймыз. Ол басқасына қоңырау шалады, бізге көмектесетінін айтады! Кімнің басына түспейді дейсіз? Көпшілігі кешігеді. Шынымен бе? Маған тек біздің жолымыз болмай жатқандай көрінеді. Әсіресе, Жаңа Орлеанға рейсіміз тоқтатылғаннан кейін және не істерімізді білмей қалғанымыздан кейін.
Алға өттік. Аня телефонын таба алмай жатыр. «Бәрі шалбарымда қалта болмағаны үшін! Оны салатын жер жоқ!» Тағы сәтсіздік! Телефонды іздеу үшін қауіпсіздік бақылауына қайта жүгірді. Мен күтіп тұрмын.
Басқа бір әйел билеттерімізді ауыстыруға келісті. Келесі рейс Финикске 11:29-да! Және бізді соған отырғызады! Рейстер арасында 3 сағат күту уақыты бар екені өте жақсы болды. Сонда біз Финикстен Флагстаффқа болатын ұшағымызға үлгереміз! Жақсы адамдарды кездестіргеніміз үшін жолымыз болды! Билеттерімізді ауыстырды, Аня телефонын тапты! Қауіпсіздік қызметкерлері онымен ештеңе істей алмады, біртүрлі тілде екенін айтты! Бәрі орнына түсті! Біз шоктан кейінгі күйде Starbucksta кофе сатып алдық және жай ғана бәрінен демалу үшін үстелге отырдық! Бұл таңда сонша нәрсе болды! Үмітсіздік көз жасы қуаныш көз жасына ауысты. Біз керемет кофе ішіп отырмыз. Рейсімізді күтіп тұрмыз. Келесі рейсті. Бәрі жақсы. Болуы керек болғандай.
