Енді әңгімемнің ең қызықты бөлігі – Саяхат!!!
Менің көріп, сезінгенім – бәрімізге белгілі Ниагара сарқырамасына жасаған алғашқы сапарымыз. Солтүстік Америкадағы ең қуатты сарқырама Канада мен Американың арасында орналасқан. Оның биіктігі 53 метр, ал ені 323 метр. Осы табиғи энергияның қуатын елестетіп көріңізші, одан кейін Түрген сарқырамасы жай ғана бұлақ болып көрінеді. Ал түнде Канада жағынан әртүрлі шамдармен жарықтандырылған сарқыраманың көрінісі – сөзбен айтып жеткізгісіз сұлулық. Біз «Days INN» қонақүйінде 2 күн тоқтадық, онда өте жайлы болды. Бірінші күні біз Ниагара сарқырамасының барлық саябақтарын араладық, ал екінші күні тікұшақпен Ниагара сарқырамасының үстімен ұшудың сәті түсті. Айтпақшы, бұл менің өмірімдегі алғашқы тәжірибем, сондықтан болашақ қатысушыларға осыны кеңес беремін.
Саяхатымыздың екінші нүктесі Американың астанасы Вашингтон қаласы болды, онда біз мұражайларды аралап, астананың аллеяларымен серуендедік. Бұл қала маған Астананы еске түсірді: бәрі костюм киген, бизнесмендер мен әртүрлі компаниялардың өкілдері, бәрі өте ресми сияқты көрінді.
Үшінші нүкте – Нью-Джерси штатындағы нағыз «SIX FLAGS» аттракциондар саябағы. Біз бұл саябақтағы ең қорқынышты аттракциондардың барлығына мініп үлгердік. Әсіресе, KINGDA KA – әлемдегі ең биік және жылдамдығы бойынша екінші орында тұрған аттракцион. Бұл – адреналиннің үлкен толқыны және өмір бойы есте қалатын ұмытылмас сезімдер.
Ақырында, саяхатымыздың соңғы нүктесі Нью-Йорк қаласы болды. Ұшып келгенде қалада бірнеше күнге қалудың сәті түспеді, өйткені біз бірден Бетани-Бичке кеттік, бірақ маусым соңында мен бұл үлкен қалаға арнайы бір апта уақытымды бөлдім. Мен Орталық саябақты араладым, мұражайларға бардым, достарыммен түнгі қаланы араладым. Таймс-сквер түнде ерекше әдемі, сонымен қатар руфтоптар, Бостандық мүсіні және басқа да көптеген көрікті жерлер мәңгілікке жадымда қалады. Бірақ бұл менің саяхатымның тек басы ғана, өйткені Американың батыс бөлігі әлі алда, онда көптеген адамдар, соның ішінде мен де әлі болмадым.
Сондықтан, достар, Америка ешқайда кеткен жоқ, ол бәрімізді асыға күтуде.
IEC-ке осы мүмкіндікті бергені үшін, Американы ашқаны үшін, Әлемді ашқаны үшін өте ризамын.
Баршаңызға рақмет және сәттілік.
