Бір күні демалыс күнім болды. Уақытты босқа өткізбей, Albany-ға, олардың скейтшопына барып, кеды мен скейтборд сатып алуды ұйғардым. Жолға шығар алдында жаңбыр жауа бастады, көңіл-күйім түсті. Жолда келе жатқанда жаңбыр мүлдем тоқтамады, тіпті, қарғыс атқыр, күшейе түсті. Автобустан түсе салысыммен күн шығып, жаңбыр басылды, керемет. #менбұлэлдіжақсыкөремін

Albany-да, Madison Ave көшесімен келе жатырмын. Үстімде Hendrix бейнеленген футболка, құлағымда да ол ойнап тұр. Қарсы алдымнан 50 жастар шамасындағы, сақалы бар афроамерикалық келе жатыр. Қасынан өтіп бара жатып, көз қиығыммен оның маған қарап бірдеңе айтқанын байқадым. Құлаққапты шығарып едім: Where did you get this Hendrix t-shirt? деп сұрады. Оған Lake George-да бір кішкентай дүкен бар екенін түсіндірдім. Hendrix-ті жақсы көретінімді, қазір құлаққабымда ол ойнап тұрғанын айтып, біреуін оған бердім. Ол мұқият тыңдап: yeeah, that’s Jimmy! деді. Күлістік, қол алыстық та, өз жөнімізбен кете бердік. #менбұлэлдіжақсыкөремін(2)

Скейтшопқа келдім, онда сөзге шешен, мейірімді сатушы бар екен, бәрін өлшеміне қарай таңдауға көмектесті. Скейтборд пен Converse скейтерлік кедыларын бар болғаны 200$-ға сатып алдым. Baker, Girl және т.б. тақталар - бәрі 50$-дан, наждагымен қоса. #менбұлэлдіжақсыкөремін(3)