Ең қиыны, әдеттегідей, бастау. Ал ең логикалысы – фотосуреттен бастау. Онда талаптар соншалықты көп, тіпті қайда барарымды, қай жерде мені дұрыс суретке түсіретінін білмедім. Жергілікті фото-ательеге бардым, олар бас тартты, орталықтағы тағы біреуіне кірдім – нәтиже сол баяғы. Жақсы жері, фотограф досым бар. Ақыры, таяқ жеген иттей болып оған бардым да, суретке түсіріп берші дедім. Бұл суретпен сағат 10:00-ден 13:00-ге дейін алыстық. Өздеріңіз түсінгендей, қиындық суретке түсіруде емес, оны дұрыс өңдеуде (ал бұл, ой, тыйым салынған). Бұл суретті кесуге болмайды, оны фотошоптау тіпті мүмкін емес. Біз кестік те, фотошоптадық та. Оны қалай алғанымызды ешкім көрмейді ғой, сайтқа жүктеліп жатыр ма – болды, ең бастысы сол. Кейін сәл мазақтап, мені аватарға немесе Смурф гномына айналдырдық. Сауалнама толтыру да бөлек мәселе. Бәрін мұқият, сезіммен, оймен істеу керек. Жеке өзіме уақыт әрқашан сәл жетпей қалатын, сосын бәрін басынан бастайтынмын. Мен үшін бақыт болғаны – Google Chrome-да бәрі терезелерде сақталып қалады, тек басу керек.