АҚШ-қа виза алмай, Work and Travel бағдарламасы бойынша бармау үшін төменде көрсетілген 10 тармақтың біреуін орындауыңыз жеткілікті:

1. Сұхбатқа кешігу немесе ұйықтап қалу. Бұл сізге визадан бас тартуға әкелетін ең оңай және сенімді тәсіл.
2. Паспорт, DS-форма сияқты маңызды құжаттарды ұмыту және т.б. — сұхбатты «завалить» етуге апаратын сенімді тәсіл.
3. Өзіңізді оғаш ұстаңыз, оғаш киім киіңіз, ақыл-есінен айрылғандай болыңыз — сонда сізге жүз пайыз виза берілмейді!
4. Шынайы емес Job Offer — виза алмаудың таптырмас мүмкіндігі.
5. Америкада не істейтіндігіңізді, қандай жұмысқа орналасатыныңызды білмеу, яғни Job Offer-да көрсетілген ақпаратты білмесеңіз — сенімді болыңыз, сіз виза алмайсыз.
6. Түсініксіз сұрақты қайта сұрамаңыз — ойыңызға келгенді ғана айтыңыз, мысалы: «Менің атым Дмитрий, мен Пенсильванияға кетемін», және сол сияқты кез келген түсініксіз сұраққа осылай жауап беру — визаға бас тартудың тура жолы.
7. Консул қойған барлық сұрақтарға мүмкіндігінше егжей-тегжейлі жауап беріңіз, мысалы: «Анаңыз қайда жұмыс істейді?» деген сұраққа өз отбасыңыздың бүкіл тарихын баяндаудан бастаңыз — бұл виза алмаудың жақсы мүмкіндігі.
8. Толығымен уайымдауды қойып, валерьянмен тынышталып, барлық ми әрекетіңізді баяулатыңыз — сол үшін консул сізге визадан бас тартады!
9. Консулға Америкаға көп ақша табуға кетіп жатқанымды, ешқайда саяхаттамайтынымды, ал АҚШ-тағы тұруымның жалғыз мақсаты — ақша табу екенін айтыңыз — сонда АҚШ сапары туралы ұмытыңыз.
10. АҚШ-та қалып, АҚШ колледжіне түскім келеді деп айтыңыз — бұл келесі жазды үйде өткізуге сенімді тәсіл.