Сұхбат алдында қатты қобалжыдым деп айта алмаймын, бірақ біреуге пайдасы тиюі мүмкін деп оны сипаттауды жөн көрдім.

Сұхбат Skype арқылы өтті және шамамен 2 сағатқа созылды, өйткені байланыс нашар болып, үнемі үзіліп тұрды, оның үстіне біз 10 шақты адам болдық. Алдымен жұмыс беруші бізге Америкада қаншалықты жақсы және қызықты екені, ондағы ұжымның отбасы сияқты екені және т.б. туралы жалпы ақпарат берді. Содан кейін бізді жұмыс орны бойынша топтарға бөліп шақыра бастады. Әрине, мен соңғы топта болдым.

Жиі қойылатын сұрақтар:

• Бұрын осындай жұмыста істеп көрдіңіз бе?
• Өзіңіздің жағымды қасиеттеріңізді (артықшылықтарыңызды) атаңыз.
• Хоббиіңіз бар ма? Егер болса, қандай?
• Қай жерде оқисыз? Не оқып жатырсыз?
• Неліктен дәл осы жұмысты таңдадыңыз?

Қысқасы, сөзді созбайын, сұхбаттан өттім және енді жұмыс менікі.

Айтпақшы, жұмыс туралы соншама нәрсе жаздым, бірақ қандай жұмыс екенін айтпаппын. Маған Пенсильвания штатының Бетлехем қаласында кассир-даяшы қызметі бұйырды. Ең бастысы, ол жерден Нью-Йоркке автобуспен небәрі бір жарым сағаттық жол.