Менің саяхатым Мэриленд штатына келген сәттен басталды. Мен Лорел атты шағын қалада тұрып, бассейнде құтқарушы болып жұмыс істедім. Мен үшін құтқарушылық жұмыс емес, демалыс сияқты болды. Мен үнемі жүзіп, күнге қыздырынатынмын. Бассейнде жалғыз құтқарушы болғандықтан, келушілермен үнемі сөйлесуге тура келді, бұл менің ағылшын тілімді айтарлықтай жақсартты; келушілердің өздері мені жиі түзетіп, қалай дұрыс айту керектігін үйрететін. Сондай-ақ аздап испан тілін де үйрендім. Келушілер жағынан жолым болды, олар маған үнемі көмектесіп, жаяу жүрмеуім үшін велосипед сатып әперді. Мен оларды қатты жақсы көремін. Кетер алдында қатты жыладым, олармен қоштасу өте қиын болды.

Ең қиыны құтқарушы курстарынан өту еді. Біз 120 келілік адамды су түбінен алып шығып, онымен бірге жүзіп, алғашқы көмек көрсетуіміз керек болды. Әлі күнге дейін мұны істегеніме сенбеймін. Енді мен сертификатталған құтқарушымын.