Менің 2014 жылғы жазым ең қызықты әрі танымды болды. Мен осы бағдарламаның қатысушыларының тізіміне ілінгеніме өте бақыттымын деп есептеймін. Америкаға келгенде, мен әлі де сол жерде жүргеніме сене алмай, түсіне алмай жүрдім және есімді жиюға көп уақыт кетті. Дәл осы елге бару менің бұрынғы арманым еді. Бағдарлама әрбір студентке өз арманын жүзеге асыруға және барлық жағынан үлкен тәжірибе жинақтауға мүмкіндік береді, атап айтқанда: ағылшын тілінде сөйлеуді жақсарту, қызмет көрсету саласында жұмыс істеу, әрі басқа елде, өйткені ол жақта бәрі басқаша, жұмыс істеу қызығырақ әрі көңілдірек. Әр түрлі елдердің студенттерімен сөйлесе отырып, олардың әдет-ғұрыптарын, салт-дәстүрлерін, мәдениетін білесің, жаңа достар табасың. Басқа елге мүлдем жалғыз келгенде, сен әр түрлі жағдайлардан шығуға тырысасың, өйткені жаныңда ата-анаң мен жақындарыңның жоқ екенін білесің; барлық шешімді өзің қабылдайсың, бәрін ұсақ-түйегіне дейін ойластырасың. Сен өз бетіңше өмір сүруді, өзіңе қамқорлық жасауды, былайша айтқанда «тірі қалуды» үйренесің, бұл сені дербес және жауапты адам етеді. Мұның бәрі – өміріңдегі жақсы тәжірибе.