Бірде супермаркеттен велосипедпен келе жатып әмиянымды жоғалтып алдым. Барлық жерден іздедім, барлық заттарымды ақтарып шықтым, супермаркет күзетшілерінен сұрадым... бірақ өкінішке орай таппадым.
Бірнеше күн өтті, кездейсоқ достарым арқылы бір жігіттің әмиянымды тауып алғанын және мені іздеп жүргенін естідім.
Онымен кездестім, таңқаларлығы, барлық ақша мен құжаттар орнында екен.
Румыниядан келген бұл жігіт досының әмиянымды түнде жолдан тауып алғанын және оны қайтарып беруді ұйғарғанын айтып берді.
Ол бұл туралы өз әлеуметтік желісінде, жоғалған заттар сайттарында жариялап, менің студенттік билетімді көрсете отырып, барлық таныстарынан сұрастыра бастаған.
Ол өз құжаттарын жоғалтып алған кезін және оларды қалпына келтірудің қаншалықты қиын екенін айтып, әмиян иесін табу керек деп шешкенін жеткізді.
Әмиянды барлық ақшасы мен құжаттарымен қайтарып беріп, келесі жолы абай болуымды сұрады, мені тапқанына өте қуанышты екенін айтып, "God Bless You Bro" деді.
Әлем жақсы адамдардан кенде емес.
Жақсылық жасаңыздар!
#iec_kazakhstan #usa #vamerike
https://vk.com/feed?section=search&q=%23iec_kazakhstan
