Саяхаттауды ұнатпайтын адам жоқ жер бетінде. Бірақ көптеген адамдар үшін бұл арман ең соңғы орындарға сырғып, ғұмыр бойы қол жетпес биік мақсатқа айналып қала беретіні жасырын емес. Тарихта өшпес із қалдырған ұлы адамдардың өзі көп саяхаттаған. Сол арқылы дамыған. Сондықтан да саяхат адамның дамуына жол ашады. «Work and Travel» бағдарламасы студенттерге арналған тамаша мүмкіндік. Сондықтан да өз-өздеріңізге сенімді болсаңыздар, ағылшын тілінде сөйлей алатын болсаңыздар және ЖОО-да күндізгі бөлім студенті болсаңыздар Американың есігі сіз үшін ашық.
Көптеген студенттерді мазалайтын маңызды сұрақ: «Мен онда барсам ақшамды шығара аламын ба?». Мен бұл сұраққа былай жауап берер едім: «Бәрі де өзіңе байланысты. Егер жақсы жұмыс жасасаң жақсы табасың. Ол үшін уақытты бекер өткізбей екінші жұмыс тауып алу керек. Мүмкіндігің болып жатырса үшінші жұмыс та артық етпейді. Жалқауланбай, заң бұзбай жүріп жұмыс жасасаң жұмсаған ақшаңды 2 тіпті 3 есе қылып шығарып алуға да болады. Бір жұмыстың ақшасы тек бағдарламаға кеткен шығынды ғана жабады. Бір жұмыстан саяхатқа, шопингке ақша ауыса қоймайды».
Осы жерде тағы бір құпияны аша кетейін: «Америкада екінші жұмысты іздеген кезде есіктерінде «Now hiring»», «Help wanted» деген жазуы бар жерлерге де, жоқ жерлерге де кіріп жұмыс іздеп жүрген жағдайыңды айтып, аппликэйшн толтырып кете беріңіздер. Алдыңыздан шыққан мейрамхана, қонақ үйлердің бәріне ас сұға беру керек. Әйтеуір біреуі болмаса біреуі шақырып қалады. Сосын аппликэйшн толтырған кезде Social Security Card-тың номерін жазатын жер бар. Көптеген адамдардар қолдарында ондай номерлері жоқ кезде ол орынды бос қалдырып кетеді. Ол жерді ешқашан да бос қалдыруға болмайды. Өз номеріңіз жоқ болса кез-келген 9 саннан таратын номерді жазып жібере беріңіздер. Мына форматта: ХХХ-ХХ-ХХХХ. Мысалы: 123-45-6789. Кейін өздеріңіздің номерлеріңіз келген кезде бастықтарыңыздар шатасып кетіппін деп кешірім сұрап, әлгі қағазды алып дұрыс номерді жаза салуларыңызға болады. Ал бастықтарыңыз Social Security Card-ың бар ма деп сұрағанда бар деп жауап беру керек. Көрсетуді сұрап жатырса «Иә, ертең алып келемін» деп, ертеңіне «Ұмытып» кетіппін деп 2-3 күнге дейін уақыт соза тұруға болады. Сол уақытта өздеріңіздікі де келіп қалады.
Мен Америкада 4 ай 3 күн тұрдым. Мен жалғыз өзім барып келдім. Сіздер жалғыз жүрмеңіздер! Ең болмағанда 2 адам, мүмкіндік болса жұп болып барған дұрыс. Әйтпесе мен сияқты жүресіздер, кез-келген адамға: «Can you take me picture? Can you take me picture?» деп жалынып жүресіздер. Біреу дұрыс түсіреді, біреу дұрыс түсірмейді. Мұның бәріне уақыт кетеді. Ал уақыт деген біздің өміріміз. Ол көз алдымызда зырлап өтіп жатыр. Сондықтан да мүмкіндігімізше көп нәрсе жасап үлгеруіміз керек. Ендеше үйде жалқауланып жата бермей InterExchange-ге хабарлас та, өз жолыңды тап!
P.S. Тағы бір айтарым өз өмірлеріңіз өз қолдарыңызда. Мың рет естігеннен бір рет көрген артық. Сосын Америкада жүргенде ешқашан да ұрлыққа және басқа да қылмысқа бармаңыздар! Ұрлық түбі қорлық! Қылмыс түбі жаза!
