Алдын ала білгім келетін тағы бірнеше жайт:

1. Мен Чикагоны жақсы көремін. Мен Чикагоны өмірден, Орхан Памук пен даршыннан да артық жақсы көремін, адамдарын жақсы көремін, құдайым-ау, егер Рождествоға не сыйлау керектігін сұрасаңыздар, мен – Чикаго дер едім. Чикагодағы алғашқы күнімде манго жедім, оған қаншалықты қатты аллергиям бар екенін тіпті білмедім. Нәтижесінде, бүкіл күнді хостелде тіземді құшақтап, әлсіреп жаттым. Қорытынды – тәжірибе жаса, бірақ жаныңда катализатор болсын (қарапайым тілмен айтқанда – дәрі-дәрмек алып ал).

2. Үлкен қалалардың әуежайына екі сағат бұрын кел (көпшілік кеңес беретіндей бір сағат емес). Мен Майамиде қалып қоя жаздадым, өйткені Security line-да екі жарым сағат тұрдым.

3. Dunkin Donuts – дәмін татып көр! Өте дәмді!

4. Өзіңе америкалық SIM-карта сатып ал. Олар мүлдем қымбат емес, есесіне кез келген уақытта қоңырау шала алатыныңды біліп, өзіңді қауіпсіз сезінесің.

5. Мүмкін, егер баратын болсаң, бүкіл жазға барған жөн. Егер өзіңді тәжірибемен толтырғың келсе, бір ай (тіпті екі ай да) жеткіліксіз болады.