Лос-Анджелес мүлдем басқа. Ол тыныш және жайлы. Және өте алуан түрлі! Онда зәулім ғимараттар да, бағында мандарин ағаштары бар жеке үйлер де, сонымен қатар дауылды, әрі өте таза Тынық мұхитымен түйісетін көптеген жағажайлар да бар. Тек Beverly Hills пен Santa Monica-ға бару керек, сонда бәрін бірден түсінесіз.

Біз Warner Bros. студиясына барып, керемет кинолар түсірілетін сол студияның бүкіл аумағын аралап шықтық! Біз нағыз өмірдегідей көрінетін декорацияларға толы тұтас көшелерді көрдік. Студия дүкеніне кіріп, ақыры "Гарри Поттер" фильміндегі бүкіл әлемге әйгілі әртүрлі дәмі бар кәмпиттерден дәм таттық. Бұл фильмнің жанкүйерлері үшін дүкенде брелоктардан, сиқырлы таяқшалардан, кәмпиттерден бастап Хогвартс оқушыларының шапандарының көшірмелеріне дейін тауарлардың тұтас қатары бар.

Сондай-ақ, Warner Bros. студиясынан танымал сериалдардың түсірілім алаңдарын таба аласыз. Мысалы, біз F.R.I.E.N.D.S. сериалының түсірілген жерін назардан тыс қалдырмадық.

Гриффит обсерваториясында күн батқанын тамашалау, әйгілі "Hollywood" белгісін жақыннан көру, мұхитта шомылу және "Santa Monica" пирсімен серуендеу, Venice beach жағажайының бойындағы жолмен велосипед пен скейтборд тебу, сол жерде күн батқанын тамашалап, Періштелер қаласында таңды қарсы алу - мұның бәрі біз орындаған тапсырмалар болды және қазір, соны еске алғанда, жүрегім жылып кетеді.