Жұмысты өздеріңіз іздеңіздер және ДЕРЕУ іздеңіздер. Өздеріңіз жасай алатын нәрсе үшін 300$ артық төлеудің қажеті жоқ. Біріншіден, бұл іскерлік хат алмасу, жұмыс іздеу және болашақта қажет болатын құжаттарды дайындау бойынша тәжірибе жинақтаудың тамаша тәсілі. Екіншіден, сіздер өздеріңіз қалаған нәрсені таңдай аласыздар, мамандық немесе орын бойынша ешқандай шектеулер жоқ, бастысы – кідірмеу және оны бірден қолға алу, әйтпесе ең үздік орындарды алып қояды.

Келген бойда ДЕРЕУ екінші жұмысты іздеңіздер. Ешқандай құжаттарды (Social Security) күтпеңіздер, ағылшын тілдеріңіз американдықтардың деңгейіне жеткенше күтпеңіздер, жай ғана алғашқы күндерден бастап барып іздеңіздер, әрі электронды поштаға хат жолдаумен шектелмей, мекемелерді аралап, бос орындар бар-жоғын сұраңыздар.

Шайпұл (tips) алуға мүмкіндік беретін жұмыс іздеңіздер. Шайпұлмен сіздер АҚШ-тағы шығындарыңызды жауып, ал жалақымен бағдарламаның өзін өтеп, пайдаға шыға аласыздар!

Жұмыс таңдағанда, ол жерде 2 ай өткізетіндеріңізді ұмытпаңыздар – тек жұмыс істеумен ғана шектелмейсіздер, сондықтан шынымен қызықты нәрсе іздеңіздер!