2019 жылдың жазы жүрегімде мәңгі қалатынына сенімдімін. Осындай қысқа уақыт ішінде ол маған 15-тен астам елден достар сыйлады. Енді менің Испания, Иордания, Тайвань, Ресей, Словакия, Латвия және т.б. елдерде достарым бар. Жаз аяқталды, бірақ біздің қарым-қатынасымыз үзілген жоқ. Мұның дәлелі – біздің үнемі сөйлесетін чаттарымыз, тіпті олардың біріне қонаққа да барып қайттым. Тайландтық жігіт мені өз мәдениетімен таныстырып, дәмді, дәстүрлі тағамдарынан дәм татқызды. Сонда мен Work and Travel USA бағдарламасы мен үшін жұмыс пен саяхат туралы емес, адамдар мен қарым-қатынас туралы екенін түсіндім. Осы таныстықтар мен достықтың арқасында менің ортам кеңейді, барғым келетін елдер тізіміне тек елдердің өзі емес, достарым тұратын нақты қалалар да қосылды. Бұрын барлық адамдар әртүрлі деп ойлағанымда, олардың соншалықты ерекше болатынын елестете де алмаппын. Америка мен осы бағдарламаның арқасында менде саяхаттауға деген құштарлық оянды. Армандарымда еркінірек болдым, қазір үлкен мақсаттар қоюдан қорықпаймын, өйткені олардың барлығы міндетті түрде орындалатынына шын жүректен сенемін.

Ұлы Пауло Коэльо айтқандай: "Егер сен бір нәрсені шын қаласаң, бүкіл Әлем сенің тілегіңнің орындалуына көмектеседі". Осы орайда, мен жай ғана алғыс айтқым келеді. Жаздың осы үш айы менің дүниетанымымды өзгертті және өмір бойы қолданатын үлкен сабақ берді.