30 тамыздағы хат.

Жіберуші: Анастасия Лебедева, Хьюстон, Техас

Алушы: Ана, Қазақстан

Сәлем, мама! Бізде бәрі керемет! Біз Хьюстонда, Техас штатындамыз. Бейсенбі күндері мұражайлардың көбіне кіру тегін, сондықтан біз шағын тур жоспарладық. Бірақ алдымен әдемі бұрқағы мен жағымды атмосферасы бар Грин саябағына бардық. Даунтаунның ортасындағы нағыз оазис. Грэйхаундтың жанындағы Макдакқа кірдік. Иә, біздікімен салыстыруға келмейді. Алмалы бәліштерді ұзақ күттік. Рефил жоқ. Айналаның бәрінде оғаш адамдар, жағымсыз.

Планетарийге 20 минуттық фильм – Титаник түнін көруге бардық. Ыңғайлы орындыққа отырасың, ал басыңның үстінде үлкен күмбез – отырып фильмнен ләззат ал. Бізге апатқа себеп болған сол сұмдық айсбергтің пайда болуы туралы егжей-тегжейлі айтып берді. Қайғылы оқиғаны барлық ұлылығымен көрсетті.

Тағы палеонтология залына бардық. Мұнда бұрын өмір сүрген тіршілік иелерінің нағыз қалдықтары қойылған. Трилобиттерден, ұсақ теңіз жәндіктерінен, қылыш тісті тарихқа дейінгі мысықтардан бастап, динозаврларға, мамонттарға және адамға дейін! Мұндайды біз әлі көрмеген едік. Нағыз көлемде қайта жасалған динозаврлар өздерінің үлкендігімен қорқытады. Иә, олар өмір сүрген! Егер қазір көшемен осындай алып мақұлық жүгіріп өтсе))) Сұмдық...

Біз басқа мұражайда да болдық – онда мутант-мүсіндердің ерекше көрмесі болды. Плюс фотосуреттер. Қызықты шешімдер, түстер, идеялар. Эмоционалды. Әсерлі.

Жаяу жүрдік, біраз жерді басып өттік. Кешке Аня Хьюстонда оқитын Куралаймен кездесті.

Ал біз бүкіл әлемнен келген саяхатшылармен бірге хостелде тұрып жатырмыз. Ұлыбританиядан келген Кэтринмен достастық. Ол бізге өз тарихын айтып берді. Өте мейірімді және ашық, ол екі айдан бері саяхаттап жүргенін, бүкіл Канаданы және Американың жартысын кесіп өткенін айтты. Аляскада аюмен кездескен, Гранд Каньонға, Сан-Францискоға және басқа қалаларға барған.

Біз мұнда жалықпаймыз. Ертең Аризонаға ұшамыз. Жаңа Орлеанға барудың сәті түспеді. Олег қалай, картоп қазып жатырсыздар ма? Жақында келеміз, сағынбаңыздар!

P.S. Жақсы тамақтанып жатырмыз :)