1 қыркүйектегі хат.
Жіберуші: Анастасия Лебедева, Флагстафф, Аризона
Алушы: Ана, Қазақстан
Сәлем!
Сіздерде бәрі жақсы деп үміттенеміз. Бізде бәрі жақсы, сондықтан уайымдамаңыздар! Олегтің көлігімен тағы не болды? Ал мен рөлге отырмағаныма жүз жыл болды, жақында газ бен тежегіш қай жерде екенін ұмытып қаламын)
Қайда екенімізді айтып берейін. Флагстаффта маған бәрі ұнады – біз тоқтаған хостелден бастап, теңдессіз табиғатына дейін.
Аризонадағы бұл шағын қалашық бізді жылы қарсы алды – шағын әуежай, айналасы орман және тау ауасы! Біз мінген такси Friendly Cab деп аталады – және шынында да, ол өз атына лайық. Қала таулар мен орманмен қоршалған, бәрі сондай сүйкімді, жергілікті үндіс колориті бар. Бұл қалашықты жаяу аралап шығуға болады. Бұл Аризона болса да және біз ыстық шөлге тап боламыз деп ойласақ та, біз кофталарымызды шешпедік! Бәрі сол салқын тау ауасының арқасында.
Серуендедік, жергілікті тағамдардан дәм таттық және ашық аспан астында кино көрдік. Мұнда адамдар жиі алаңға жиналып, фильмдер көреді. Ал бұл жолы Labor Day құрметіне тұрғындар байқаулар мен ойын-сауықтармен шағын қойылым ұйымдастырды.
Ал таңертең, достарымыз 1 қыркүйек дәстүрі бойынша университетке кеткенде, біз Гранд Каньон мен Навахо үндістерінің жерлерін көруге бардық.
Алдымен біз тур-автобусымызды күтуге тура келді. Автобус келмеген соң ешқайда бара алмаймыз деп қорықтық. Тур-фирмаға қоңырау шалдық. Бізге тағы біраз күтуді айтты. Ақыры күтіп алдық! Жүргізуші кешікті, бірақ бәрібір келді.
Аризонаның ерекшелігі – мұндағы ландшафттар өте тез ауысады. Алдымен терезеден көптеген жанартаулар мен тау төбелерін көресіз, олардың бірі – Сан-Франциско шыңы. Жергілікті наным-сенімдер бойынша, оның шыңынан Сан-Франциско көрінеді, сондықтан аты солай. Одан әрі – шөлді жерлер, ал содан кейін – ормандар. Гранд Каньон болса – бұл жерлердің нағыз інжу-маржаны. Тынысыңды тарылтады – сондай сұлулық! Біз оған жеткенде, тілімізден қалдық. Ол бірнеше жүз шақырымға созылып жатыр. Бір рет өз көзіңмен көрген, теледидардан жүз рет көргеннен жақсы.
Суреттерді жібереміз. Ертең Сан-Францискоға ұшамыз! Аня мені өткен жылы болған өзінің сүйікті жерлеріне апарады. Асыға күтудемін.
Бәріне сәлем айтыңыздар.
