Автобус бізді әуежайға түсіріп кетті. Ең алдымен менеджерге хабарластық, сөйтсек, ғажап емес пе, қазір жұмыс жоқ екен, күту керек дейді. «Қанша уақыт?» деген сұраққа «Біз сізге бірден хабарласамыз» деген түсініксіз жауап алдық. «Ал баспана мәселесі ше?» – «Бізде нұсқа бар - айына 800 долларға бөлме».

Бәрі түсінікті, тағы да орыстарға сенгеніме өзім кінәлімін. Артқа жол жоқ. Далада сағат 19:00, демек, бүгін түнді әуежайда өткіземіз. Ал ертең ше? Ертеңгі күні көрерміз.

Бізде не бар?

Кемшіліктері: біз өте қиын жағдайдамыз. Екеумізде шамамен 600 доллар қалды, бұл тіпті бір айға үй жалдауға да жетпейді. Жұмыс беруші бізді алдап кетті, біз тағы да бейтаныс қаладамыз.

Артықшылықтары: біз Майамидеміз, бізде жастық пен сарқылмас ынта-жігер бар.

Бір-екі гамбургер жеп алған соң, интернет тауып, бұл жағдайдан қалай шығу керектігін ойлана бастадық. Ғаламтор кеңістігінен Майами-Бичте арзан бағаға бөлме жалға беретін бірнеше жігітті таптық. Таң ата біз осы әйгілі жағажай қаласын зерттеуге аттандық.