Лас-Вегас – құмар ойындардың, казинолар мен ақшадан айырылудың қаласы. Мен бұрын-соңды мұншама көп казино мен құмарпаз адамдарды еш жерден көрмеппін. Лас-Вегасқа барып, автоматқа бір доллар салмау мүмкін емес, онда сен бұл қалада болмағансың. Мен 1$ салып, 1,19$ ұтып алдым. Бұл қаланың шөл далада салынғанын білетінмін, бірақ мұншалықты ыстық болады деп ойламаппын, бұл қалада тек кешке серуендеу керек. Бұл қала өзінің орталығымен есте қалды. Ол әлемдегі ең атақты сәулет өнерінің барлығын қамтыған. Бұл қалада болғаннан кейін, басқа қалаларға барудың да қажеті жоқ. Мысалы, мен онда Эйфель мұнарасын көрдім, оған көтерілуге де болады. Мысыр, Венеция, Нью-Йорк және басқа да көптеген қалалар бір Лас-Вегаста орналасқан. Бұл өте көп уақытты үнемдейді.