Sayohat qilish istagi menda "Oryol i Reshka" dasturini tomosha qilishni boshlaganimdan beri paydo bo'lgan. Bu ko'rsatuvlarni tomosha qilib, siz ham ich-ichingizdan ularning o'rnida bo'lishni xohlaysiz. Sayohat – bu yangi madaniyat bilan tanishish imkoniyati. Ammo hammasi bunchalik oddiy emas...

Sayohat qilish dunyodagi eng yaxshi narsa.

Maktab davridan FLEX va Work and Travel kabi almashinuv dasturlari haqida bilardim. Ammo rostini aytsam, ma'lum bir vaqtgacha bularning hammasi qanday sodir bo'lishi haqida aniq tasavvurga ega emasdim. Yaqinda dam olish kunlari Work and Travel dasturi orqali shtatlarda bo'lgan odamlarning bloglarini tomosha qilishni boshladim. Ularning hikoyalaridan boshimda bir manzara shakllandi va butun jarayon qanday ishlashini tushunib yetdim.

Kelgusi yili ariza topshirishni, bu yil esa to'lov uchun pul ishlashni niyat qilgandim. Ammo tanlovni ko'rib, baribir bunday imkoniyatni qo'ldan boy berishni istamadim. Va men ba'zi sarlavhalar ustida biroz to'xtalib o'tmoqchiman.

"Hozir va kelajakda"

21-asrda yashayapmiz va ko'pchilik allaqachon bunday almashinuv dasturlari haqida biladi, lekin bizga ba'zan jasorat va ishonch yetishmaydi. Ammo menimcha, har bir avlod bilan yoshlarning o'zgarishlarga ochiq ekanligini payqashimiz mumkin. Ular ota-onalarimiz kabi bir joyda 10 va undan ortiq yil ishlashni xohlamaydilar. Har doim qandaydir o'zgarishlar istashadi. Talabalar esa ko'pincha yozda qo'shimcha daromad izlashadi. Work and Travel esa yozda shtatlarda ham ishlab, ham dam olish uchun ajoyib imkoniyatdir. Hozir bunday dasturlarda ishtirok etayotgan tanishlarimizni ko'rib hayron qolamiz, ammo bir necha yildan keyin bu allaqachon odatiy holga aylanadi. Yoshlar esa bunday o'zgarishlarga juda ochiq va shu bilan birga, rivojlanib, sayohat qilib pul topishadi.

Almashinuv dasturi menga qanday yordam berardi:

Almashinuv dasturining ko'plab afzalliklari bor:

• dunyoni ko'rish, nihoyat faqat televizorda ko'rgan joylarimni ziyorat qilish
• turli qiziqarli odamlar bilan yangi tanishuvlar
• dunyoqarashni kengaytirish
• o'zimga hamma narsaga qodir ekanligimni isbotlash
• shaxs sifatida shakllanish
• yangi tillarni o'rganish

Ya'ni, bularning hammasi yangi his-tuyg'ular. Yangi sen, va men har doim eshitganman: inson sayohat qilishni boshlaganda, u o'zi ham o'zgara boshlaydi.

Sayohat ham bir turdagi ta'limdir, ya'ni dunyodan va odamlardan o'rganishdir.