AQSh vizasini olmaslik va Work and Travel dasturi bo‘yicha bormaslik uchun quyida keltirilgan 10 ta punktdan hech bo‘lmaganda birini bajarishingiz kifoya:

1. Suhbatga kechikib qolish yoki uxlab qolish. Vizadan rad etilish uchun eng oddiy va ishonchli usul.
2. Muhim hujjatlarni unutib qo‘yish, masalan pasport, DS-formani va hokazo - suhbatni 'tushirib qo‘yish' uchun ishonchli usul.
3. O‘zingizni g‘alati tuting, g‘alati kiyim kiying, aql-idrokdan mahrum bo‘ling va shunda siz albatta vizani ololmaysiz!
4. Haqiqiy bo‘lmagan Ish Taklifi - bu vizani olmaslik uchun noyob imkoniyat.
5. Amerikada nima bilan shug‘ullanishingizni, qanday ish qilishingizni bilmaslik — ya'ni agar siz o‘z Ish Taklifingizda keltirilgan ma'lumotni bilmasangiz, ishonch hosil qiling — vizani olmaysiz.
6. Tushunmagan savolingizni qayta so‘ramang — balki xayolingizga kelgan narsani ayting, masalan, meni ismim Dmitriy, men Pensilvaniyaga ketayapman, va har qanday tushunarsiz savolga shunday javob berish - sizga vizadan rad etilishning to‘g‘ridan-to‘g‘ri yo‘li.
7. Konsul sizga bergan barcha savollarga imkon qadar batafsil javob bering, masalan, 'onangiz kim bo‘lib ishlaydi' degan savolga butun oilangiz tarixi haqida hikoya qilishni boshlash — bu vizani olmaslik uchun ajoyib imkoniyat.
8. Butunlay asabiylashishni to‘xtating, valeryanka ichib o‘zingizni tinchlantiring va butun miya faoliyatingizni sekinlashtiring, shunda konsul sizga vizani rad etadi!
9. Konsulga aytingki, Amerikaga ko‘p pul topish uchun ketayapsiz, hech qaerga sayohat qilmaslik va faqatgina Amerikada qolish maqsadingiz - pul ishlash, va shunda siz AQShga safaringizni unutishingiz mumkin.
10. AQShda qolishni xohlaysizmi, AQSh kollejiga o‘qishga kirishni xohlaysizmi - bu kelasi yozni uyda o‘tkazishning ishonchli usuli.