Washington DC — Amerika poytaxti. Bu men yashab qolishim mumkin bo'lgan yagona shahar bo'lsa kerak. Unda hamma narsa bor: baland binolar ham, juda ko'p parklar ham. U yerda sayr qilar ekansiz, katta shaharlarning tez sur'ati va binolar bosimi ostida qolganingizni his qilmaysiz. Bu yerda ko'plab shaharlarda yetishmaydigan yashillik juda ko'p. Bu shahar o'zida mutlaqo hamma narsani mujassam etgan. Markazi juda chiroyli, qiziqarli favvoralar ko'p. Kapitoliy menga juda yoqdi. Oq uy biroz hafsalamni pir qildi, uni boshqacha tasavvur qilgandim, kattaroq deb o'ylagandim va yaqinroqdan ko'rishni kutgandim, ichkariga kirish uchun esa 6 oy navbat kutish kerak ekan. Balki qachondir kirarman. Washington juda ko'p qiziqarli bepul muzeylarga va katta hayvonot bog'iga ega. Bu hayvonot bog'ida bo'lganimdan so'ng, boshqa shaharlardagi hayvonot bog'lariga borishning hojati yo'q deb o'ylayman, chunki u yerda eng kichik hasharotlardan tortib eng yirik hayvonlargacha hammasi bor.