"Nyu-York – dunyo poytaxti". Rim papasi Ioann Pavel II shaharni shunday deb atagan. Rus shoiri Yevgeniy Yevtushenko esa uni shaharga siqilgan insoniyat deb ta'riflagan. Darhaqiqat, dunyoda Nyu-Yorkda vakili bo'lmagan biror bir xalq topilmasa kerak. So'nggi 4 asr davomida Nyu-York shahri o'zining muvaffaqiyat va boylik uchun cheksiz imkoniyatlari bilan kuchli va g'ayratli insonlarni o'ziga jalb qilib kelmoqda. Millionlab insonlarning sa'y-harakatlari bilan shahar tirik muzeyga aylantirilgan. Uni oylab o'rganish mumkin, ammo bir necha soat ichida ham ko'rib chiqish imkoni bor.