15-sentabr, 2010-yil (20:00)

Hozir Nyu-Yorkning JFK aeroportidaman.

PortAuthority'dan avtobusda endigina yetib keldim.

Nyu-Yorkda ikki kun bo'ldim – bu shunchaki hayoliy narsa. Hali ham bularning barchasi haqiqat ekanligiga ishona olmayapman. Hamma narsa juda chiroyli, hatto juda-juda. Lekin men juda charchadim – chunki tunda Tayms-skverdagi McDonald's'da biroz mizg'ib olishga to'g'ri keldi.

Nyu-Yorkka kecha ertalab keldim, sumkamni yuk saqlash joyiga topshirdim va shaharni aylanishga ketdim. Qo'limdan kelgan hamma joyda bo'ldim – Tayms-skver, Sentral-park, Empayr-steyt-bilding, Uoll-strit, 5-avenyu, Brodvey, Gudzon qirg'og'i, Rokfeller-sentr... yana bir qancha joylar, hamma joy ajoyib.

Juda zo'r shahar, men umuman urbanistika ishqiboziman, baland binolar, osmono'par binolar – mening zaif nuqtam – shunchaki sevaman.

Albatta, Nyu-Yorkni hech qachon unutmayman va hatto qachondir yana bu yerga qaytish orzusi paydo bo'ldi.

Hozir aeroportdaman – 3 soatdan keyin samolyotda bo'laman. Hozir borib, oxirgi marta Amerikaning «o'zgacha» havosidan nafas olaman va ro'yxatdan o'tishga boraman.

Sog'inamanmi? Albatta. Rahmat, Amerika. Meni kut, men albatta qaytaman.